handicapped

攪機攪到一頭煙，幾隻中文字攪成日。
妖。

路漫漫而修遠兮

我哥好心，見我部lap-top日久失修，偷偷要替我換機。
佢買左部機交低俾個精伶攪機後生執下，由侄女於我生日送上。
係好野黎，無線上網，唔駛黐住條線做人。美中不足不是中文windows，諗住返香港再攪。
用得幾日，update下，就彈出大大warning話唔係正版wor，算好客氣，話我可能係翻版受害人。
上機前咿咿哦哦，一人又揹又抬兩部lap-top 過海關，咪話唔擔驚受怕，萬一要打開睇下，大大隻字this windows is not genuine，明明捉恐怖分子順手捉埋翻版，唔知條數點計。
至愛親朋聽見我咿哦，大都幾開心，等住睇我點死。奇怪哉，每次有瘀事，愈親我者愈覺得意，都算天妒紅顏。
至該日，LA 機場森嚴到令人覺得恐怕國將亡矣；送機者見滿街警察，快快在路邊放我落車絕塵而去，就好坎坷咁又拖又拉孤清上路。我中意o既LA 係所到之處大家總有d 幽默感，辦起事來你一言我一語癲癲dud 搞掂，目下從排隊check in 人人神色凝重客客氣氣，唉。
樽裝水絕對嚴禁，站在垃圾桶邊good good good 飲完半樽水；經過重重關卡，脫外衣除鞋，兩部電腦取出放上輸送帶照照照，照咩呢？d 仲高科技o既手提電話，冇人理wor。
人龍中我未算擾攘，係動作多d，乾脆就在輸送帶不遠著衫著鞋、慢條斯理將兩部電腦同d 手提行李重新組織，旁邊個持鎗男子任我勾留，換作往日大家會說將起來解下悶，今日佢對眼咁忙，唔得閒傾偈luu。
然後check point 個鐘又響，該名猶太肥佬(佢頭頂帽仔係標記)好無奈咁唔知應該行前定退後，當然馬上有人招呼佢：先生，你身上有d 乜？
好想多咀話，光天化日唔通有武器咩。
今日冇人打算講笑ga la，自己仲隨身攜帶not genuine 物，宜應速速離開是非地係真。

現在

暗夜聽見狗吠聲，有d遠，不似Bobo。又朦朦朧朧聽見路意頸牌敲落地磚聲音，心想三更半夜佢在走廊做乜？
自從主人變心唔俾佢上床，路意好有骨氣，夜夜寧願來睡我床底唔鬼入主人房。可床下有地毯，頂多聽到呼呼鼻息。
天微亮時神魂一點一點聚合，方知覺，現在，我們已經相距十萬八千里。
有了距離，因生思念。

早上我嫂打電話與女兒話家常，我一旁插咀：雪柜d生菜俾Louie食埋佢。
我嫂傳話：姑姐話有生菜叫你食左佢。
我補充：唔夠俾人食，叫佢俾隻狗食。
母女二人皆認為我只掛住隻狗係唔o岩o既。

人，心固繫之，只因為無以輕盈處置，便唯有，leave it as is.
是為untouchable.

happy together

一人deal with兩犬，好忙。
上機前想做完的拖足成個夏天的事，肯定泡湯。
二犬成哭？兩位唔知幾開心。小的為奴為婢，走出走入，又要照顧雙方感受，唔可以偏心。
來寄宿的Bobo，一歲卦，牛高馬大，好鬼嗲，算係金毛尋回定乜呢，成日唔記得問清楚。
地主Louie，四歲，身型同Bobo比係小巫；我叫佢路意，國語發音，日中多叫短名Luu。佢好似係西施。
Sorry, to me, a dog is a dog, 不理黑狗白狗，更不以種類分。
一向唔中意狗d名太"人"。
我的狗叫dumbbie、黑鼻、紅鼻、白雪，少時還有名烏頭，媽媽取的名字。
Bobo爛玩，路意貪食。以我妹說法，一隻係野外犬而另一隻係家犬。Bobo唔可以入屋，佢d破壞力係所到之處屍橫遍地，成日逗人玩波，忘形企起撲過來雙掌拍我心口，似俾匹馬踩過，痛入心脾。
我妹d狗名冇乜創意，Bobo上任叫Bon Bon，享年十二，我妹喪犬時停工三日，事由係death in family。
Bobo眼神單純明淨，一如江主席所言simple and naive。路意是你永遠唔知佢見到d乜又諗緊乜。一對波子眼混雜千種神色。
好怕同狗對望，四目交投通常都輸。
輸心軟。

有所思

天亮之後夢見你。
已經醒過，看見百葉窗縫幽微的光，心想狗真乖，一夜不叫。那是妹妹留下寄宿的狗，夜宿後園，叫起來像狼嚎，不覺煩擾時都幾有趣。
然後我們便幾個人一起，在夢中，要去某處。奇異的是M和其他人共乘一部車先出發，我和你，還有B，站著等。於是打開手上的食物盒，還確實吃到食物的味道，一面想著只有你會這樣細心張羅準備，把盒子遞向B，他也吃起來，而我注視的，是他中年發福的胖肚子。
醒來一點一點再也留不住食物的滋味。
一向不怎麼夢中見，沒想過你以這樣的方式道別、或是相聚。
早兩天貼了覃權的詩，想起許多舊事，他去世時你如何傷心，竟爾今日，你和他、覃伯母、還有你媽媽，都緣訂前生千里迢迢在異鄉團聚了。
告訴M有這個blog後不打算在這說太多有關你的，不想雪上加霜。
B在夢中出現，不必找佛洛伊德也知道是日有所思。早幾天看見月底有個講座，三位講者都熟人，B是其一。想著到時應已回去，也許應該見見舊人，也通知B你的消息。
這blog，朋友知者只三兩人，沒刻意隱密，也沒什麼好張揚。
便，
來則見之。

女孩永遠

秋
覃權

深夜
走出茅屋
在淒涼的蛙聲中
聽不到
妳的消息
我已長大
而妳
仍是個小女孩
在我的心中
在我的夢裡

(11/1967)

life refrain

無以話當前
試著擱下
給它以
日月
給它以
空間

人在時間之前不能比它更大
可也未必
就要垂眼低眉過日子

dismayed, copy to paste

去看，去假裝發愁，去聞時間的腐味
我們再也懶於知道，我們是誰。
工作，散步，向壞人致敬，微笑和不朽。
他們是握緊格言的人！
這是日子的顏面；所有的瘡口呻吟，裙子下藏滿病菌。
都會，天秤，紙的月亮，電 木的言語，
（今天的告示貼在昨天的告示上）
冷血的太陽不時發著顫
在兩個夜夾著的
蒼白的深淵之間。

--瘂弦 ＜深淵＞

tragic traffic

this stupid lap-top is not functioning right,
no Chinese support, damn.

U.S. vs john lennon — in time

去看U.S. vs John Lennon。
Lennon d音樂真係超越時間，boundless；
反越戰，flower peace, bed peace，忽爾三十幾年(?)如在昨日；
and all the president’s men, 點講都好fishy；
錢幣若總有兩面，media’s words 又有幾經得起時日考驗？
反了越戰反韓戰，反反恐，反反反；
而時間，有時不一定証明到乜野；
瘂弦有詩曰：哈里路亞！我們活著。走路、咳嗽、辯論 / 厚著臉皮佔地球的一部分 / 沒有甚麼現在正在死去 / 今天的雲抄襲昨天的雲
回家路上車子穿過花影林蔭，個月亮崩崩地，未夠圓。卻一直掛在眼前不遠，有時在擋風玻璃左邊，有時右邊；
抵家門，月當頭；
月亮從來沒有代表我的心；
沒有。

always in memory

月亮
覃權

圓圓的月亮
躺在靜靜的河上面
我們也躺著
在花叢裏 仰望
空中的那個

人攀明月不可得 / 月行卻與人相隨

今人不見古時月
今月曾經照古人
古人今人若流水
共看明月皆如此

－sponsored by 李白哥