六月錯，六月過__crash

First, my VAIO crashed...(crashes? crashing?)

不是噹一聲漆黑死直直那種。是一步一驚、好似還有希望、拖得下先、或者佢玩夠就收手重新振作呢－－終而要關機佢唔肯瞓，個 mon 一片藍色仲有 d 從來唔想識佢地的數字同火星文；然後就上唔到網喇。我好冷靜同佢講，萬物有時，一息尚存我會保留你作文書打字工具，但係日積月累嘅幾尺長 bookmark 同 d 相，可唔可以俾我諗辦法移植佢地先呢？
現在唯有等我侄得閒來搞下。這是一名八十後，家教幾好，對家中長輩都好有耐性，唯是世間萬物，若問佢意見，一般建議就係：換左佢啦，買新啦。
世代新，日月新。自古以來就有代溝，我知，只是還未好習慣，行行重行行，自己層層升級，漸漸變成上層建築，更且甚，有日赫然知覺，原來自己係被僭建。


〔Should there be first, be there second and third? Yes, 六月確然好跌宕，不如慢活人間，有事慢慢講－－〕