one

hs 結婚了。兩個天南地北的人，時間的手，把他們安置在羅馬尼亞（冇記錯掛），認識，要結婚。
有熱心叔叔姨姨，代主家數人頭，電郵來問；我就答，到時應已返歸，不過呢，唔知應唔應該出現喎……
與新娘阿媽通電話，佢話，你知我唔介意，hs 更唔理架啦，點知今日與xxyyzz 飲下午茶，又搵唔到你（電話滅音，唔記得開番聲），估唔到zz 好認真咁話，梗係唔好啦，呢d 關乎下一代喎——
咁就易辦啦，即使得一把反對聲音，我都服從少數。
新娘阿媽又話，我係費事你揹咁大心理負擔。
仲要揹一世喎。試想下三十年後hs 兩公婆有咩大事小事，容乜易算舊賬，怪到ee 頭上，咁ee 變成不祥人，唉，點知唧。
於是對新娘阿媽話，你轉告hs，我唔出現、唔送禮、咭都唔送。
佢就笑，得喇得喇，佢地美國返黎至同你飲茶啦。
係呀，幾個月前hs去羅馬尼亞（如果冇記錯），遇這美國男子，就決定結婚喇。
開信箱，收hs 請柬，是收過的最impressive 請柬。
新郎姓 Short.
好 cute.
hs 以後會不會也改姓 Short 呢？