在時間的夾縫

六月後有追兵。亂哂籠。
這段時間打算做的事，不會見到真金白銀。
老H又來電，有單野，睇你哽唔哽。打尖。要哽？有幾好野呢。
d 老人言有時依然縈繞耳邊，比如好天搵埋落雨柴，比如積穀防飢。咁，個天跌五斗米落黎就個碗去接啦。
其實手板眼見功夫，費時間，唔駛點勞心。只係習慣累事，處理五斗米同五石米之態度相同。
要處理的題目幾有趣。一個mon 開齊中英對照。原文OK，某些段落筆觸流麗，明顯地作者用了心；但d句子點解要咁長呢？三四五行字方完成一句，中間逗號分之連之。如果海明威在生，去教寫作班，有冇本事教化d 人試下用短d 句子講清楚先，句短未必就文義淺。遇粗疏譯者，理解都成疑問，求其湊成字數相若卻隨時與原文意思相反，文字又差；想過不如扮睇唔見，過唔到自己個關，咁就慘喇，幾萬字逐行改逐句改，慘烈。
好在deadline 夠短，夜不長夢多極有限。好歹完工，交差。

回到擱一邊的未了事，和一些人情債，又有人自遠方來——
在時間的夾縫，張望窗外地老天荒的雨。