京九

出門之前，阿嫂問：咁如果走三個男人入黎點算呀？
咁就三個好過一個卦，有得互相監管下丫。
又或者，否極泰來，得遇火車情緣呢。

買車票時向售票男子說：我知冇得擔保，可唔可以揀個暫時冇其他人的？
男子好人，把劃票個mon移向我：我正係咁做，這一卡目前頗空，替你出的票在第五廂，周圍暫時冇人…
一卡十廂房；軟臥一房四床，硬臥兩邊上中下格共六床；也問了最貴的高包，只比軟臥貴二百，但是二人房，兩人同行就o岩。
聽說我一人出行坐京九，有人說都想過試下，有人說搵苦來辛，當然有人問：乜有直通火車去北京o既咩？
這月份北京還是太冷，本來另有打算。
M 說你要黎好黎，我三月底就走。
既然碰巧有時間，坐一程想坐已久的24小時北行車，what to lose?
況且還有免費使館區住宿等著。不必住酒店最好，我喜歡做居民，不喜歡做遊客。

A good start, 全程，就一人獨享這空廂。














藍印花袋裡是隨行最貴重物品，my lap-top，貴在有d files來不及back up，唔見左就好惆悵。
廣播叫人小心保管財物，我知，我知。
藍印花無重量又不張揚，上落車時裝住個腦夾在行李袋衣物中間，輕便安全。
第一餐去餐卡時揹著它；餐卡近入口坐了三四名制服人士，吃喝談笑，國泰民安；我走進走出，其中一人目光投落藍布袋。
第二頓是早餐，事隔十多小時，和身處車廂已生感情，鄰近廂房三對中年以上夫婦不是問題，負責這一廂的服務員也感覺可靠，於是懶得揹住近十磅重物在狹窄通道穿州過省。