去牛棚

昨晚打算今日去牛棚。
時至目下，是拖下就算居多矣。

去年H向同仁報告分租了別人半個攤位；想想書倉成千上萬書，散得幾多得幾多啦，一念之仁，應睇檔。
已經過了呼群結伴的興致，各適其式，C和我得閒，就拖住H預先裝好三四箱粗重物，去到牛棚橫七豎八攤開，等H做完d搵食野趕來。
日中無事數下，匆匆忙忙執幾箱來擺下，都有書目四十餘；都是別人心血。
既已印成白紙黑字，徵用了樹木，起碼應該撫慰下人心。
況且成日有人話想搵乜乜物物搵唔到，無非希望尋找的便都尋見。
結局OK，業績算幾好；此等貼錢出力勞動，年輕日子常有各式有事無事動，沒有猶疑的空間，想做，便去做了。
過了時間，換了心惰；手上還執著一把火的，也許忽然多了問答題：有乜好燒呢？

今年這日牛棚又有搞作。
H去是會去的。唔摸住d書佢又何以遣餘生？
就唔知會唔會一人拖住個o急，食左成擔豬油咁，去連自己攤開曬下太陽？