唉，搬呀搬

又搬。
一次又一次，裝箱與開箱之間許願，最好往後餘生再不必經歷這些折騰了吧。
事實當然是，生活邊有咁rosy.
可十幾個月裡大遷徙三次而小執包袱唔想記得有幾多次，飄零身世未免坎坷。尤其disturbing 者，裝封或打開之間忽然跌出out of sight and out of mind 的物事，更是亂了塵埃。
我阿哥，見眼前大箱小箱，擲下一句：未見過一個人好似你有咁多野。
講笑。佢似乎唔記得我撤走後一日，佢地約左架大貨車來搬。
我阿嫂，這回金句則是：度度都有你殖民地。
佢自小為八卦周刊哺育，向來話語精警。
那日她弟來電話，遇我接聽，彼此嬉哈，佢曰：你阿哥話一世人最怕兩件事，一係結婚，二係搬屋。
我就答：咁佢十幾二十年只搬過一次，二十幾年來結得一次婚咋喎。
電話兩頭也就，哈、哈哈。