你你我我

（今天天氣烏——）

我們從來沒有相愛過。應該是，我生已有你，你亦不算薄待我，怪只怪自己一廂情願以為愛得夠你就不會辜負我。事到後來你要搲爛塊面又有咩人奈得你何。以為強國總有些微風範，你阿爺，唔係，係阿爺你，又係新發財，立下品啦唔該——我無資要撤，兩袖清風，洗埋銀行存款 599 蚊何懼大軍南下又再玩共產；兼且亦，本人受先人庇蔭一早得外國護照，西方月亮早早見識過，今回冇打算走佬喎，既然唔要面醜事無分疆界，賊喊捉賊，一國幾多制一樣咁鴉烏，何妨北上串連，裡應外合，發你個財。阿彌陀佛，大吉大利。