nomadic

刪掉一些不該刪的字，並且不是即時知道；發現時已經太遲，幾時咁多手都唔記得，也就無從修復。要重新組織春蠶吐絲嘔血咁再嘔一次，不如一筆勾銷當冇發生過，算數。反正做人、過日子、絮絮的一生，無非是無盡次的推倒重來，周而復始。

三年，轉眼。三年算不算暫時呢？許多個三年、四年、兩年、十八個月等等加加埋埋，死囉，where have all the flowers gone？

上屋搬下屋，唔見一籮穀。香港搬九龍，最唔捨得係叮叮。我話，臨時咋，過左年至算。當然講係農曆年。

暫時居，說再見，非常懷有祝福的意思。當日以為臨時住它三幾個月，轉眼三年。自己的所有物搬出，回頭細細洗掃，明明屬體力勞動，最暗角都想不染塵埃，專心到極致，竟爾是，更似行為藝術了。

物生情，境生事。要等事過情遷，來日記之。