黑白藍綠之間

一覺醒來也就變天了。來日方長，好與壞其實未有定斷，但有變的可能性，總比連諗下都唔得好d掛。
想起三月底在三藩市，閒閒問V一句：咁你投邊個？
答曰：梗係Obama。附加咁都駛問眼神。佢唔代表大多數都顯示部份人心丫。
又想起同時段在洛杉磯，舊同事老婆急急飛台灣挺綠，同事的說法是老婆世居台南，一家子「非常綠」。後來與她談起，見她猶帶肉緊說：是回去陪我媽媽喇，怕選舉輸了她生氣撞牆呀…
想阿扁當日初得天下也是一片萬象更生，被打壓的終於熬出頭來了，身邊那些藍人綠人也嘗各自表述，我們局外人無非在門邊徘徊。現在每天午夜電視轉去東森台，看那媒體名嘴、前偵查科阿頭、乜人物人抽絲剝繭聲討阿扁阿珍敗政，所謂世情，到底是權力腐敗人心，抑或根本都一淌混水，涉足者難得全身乾淨離開？當然，愈看阿扁哥言行，也愈教人疑惑，何以為人，人之為何。
大國新總統出台了。昨日看見肥彭來宣傳新書，臨尾踩布殊一腳，說是有史以來最差勁總統，（掛住笑，冇注意exact 字詞）come on，如果四年前佢競選連任時台端夠膽咁講，就唔算風涼話lor。
唯一一次有意欲行駛投票權，正是四年前。即使身不在現場，不忘email各位親朋叫人vote him out，是的，唔理對手乜人，踢走呢個咿咿哦哦、語文能力令人為佢擔憂、淨識借反恐做藉口至算啦。結果事與願違，俾佢為禍國土多四年。
從來冇問兄弟姊妹投票事，難得團聚食餐安樂茶飯，議論政情是自找麻煩，我父親會由此滴水不漏從打日本仔講起，及國民黨、共產黨，至卡特列根布殊，唔識死惹佢發表政見者，必遭餘人眼中放出亂箭插死。可來到這一次，父親不議事久矣，日常生活自主能力都正日漸失去，假如還記得要去投票，倒樂意推著輪椅陪他去。投予誰？今日之後，都是歷史了。


延伸閱讀：
Bush to Obama: “What an awesome night for you”

（報導很短，一分鐘就睇完。The flesh 係d 群情洶湧留言——忍多陣都嫌遲…）